ميكي

ياخوانا بحب ميكي ماوس

وعلشان خاطره مش بحب اقعد في ال House

وبجد خلاص مابقتش اعرف الشمال من الSouth

يادي النيلة علي اللي انا فيه

مابقتش عارف البيت الابيض من الChamps Elysees  

طب اقولك ايه 

اقولك ايه

اقولك ايه

اه... انا بحب ميكي ماوس ياسعادة البيه 

رساله من علي الرصيف .... واوعي حد يقول اني خفيف

حين رايتك علي الرصيف في اول مره

حسيت اني قلبي نط من ضلوعي وطلع بره

وقعدت ابص وابص بدال المره 100 مره

شوفت عيون جميلة سرحانه 

و القمر قاعده علي الرصيف وشكلها تعبانه

سألت من دي وهيا فعلا معانا

قالولي اه دي البنت اياها اللي قالت انها حتبقي ويانا

قولت يا الف اهلا وسهلا انتي نورتي المكان وشكلك حتنوري جوانا

وشكلك دخلتي عقلي وياساتر علي اللي يدخل فيه 

وحيوصلك   ...   اه والله حيوصلك  حبنا وهوانا

رساله الي الست مرجانه

من الشاعر الكبير اوي

وخلاص كدا جزرة وقطمها جحش

بحبها

انا عايز اهديها اغنية بحبها جدا , ولحد ماترجع بالسلامه من السفر عايز اقولها انها حتفضل جوه مني علي طول

ناديني اشق قلب الليل واكون فارس لاحلامك ولو تاهت في ليلي الخيل حجيلك بردوا في منامك
بحبك مووووووووووووووووووووووووووووووووت والله

بحبك يا امي

قالتها وحلفت كمان

قالتلي بحبك قالت وقلبي من فرحته دقدق والحيرة عني اتشالت وقلبي قعد يزقزق يااااااه علي اللي حصلي بعدها واول مرة منها سمعتها حسيت اني وقتها الدنيا اتحطت بيا واتشالت , ومش عايز اوصف كتير لان اللي حصل ليا كبير والدنيا معايا قلبت الوان ووابيض واسود زي زمان و عقبال ما فقت من ده كله وقفت كدا وركزت بس ماقدرتش افضل كدا كتير ورجعت تاني وهيست وقعدت اتنطط علي الحيط والمواسير , بس الحمد لله من كتر اللي حصل معايا وقفت قدام المرايه وقولت معقولة الحكاية تكمل زي ماحلمت ...الحمد لله الحمد لله

وعايز بقي اهديها قصيدة فاروق جويدة اسمها( لست مثل الناس )

ليس كل الناس يا عمري

سلالات.. وطين

كلنا قد عاش حقا

بين قضبان السنين..

بيننا من جاء يوما

في لقاء.. أو حنين

بيننا من جاء ظلما

من دموع.. وأنين

إنما عيناك شيء

ليس بين العالمين..

هل ترى في الأرض شيء

ليس من ماء.. وطين؟! وعايز اقولها بحبك

ياااااااااااااااااااااااااااااااااااااااااااااااااه علي اللي بيحصلي

شوفتوا الاغنية بتاعت ( علي اللي بيحصلي ..... علي اللي بيجرالي .... لما بيندهلي ولما بيصفالي ) 
حاجه زي كدا بتحصلي اليومين دول .... اه والله 
علي فكرة هيا شافت الكلام اللي مكتوب عليها قبل كدا .... بس ما اتكلمناش فيه لسه , بس اللي حصل اني وانا بكلمها علشان اطمن عليها وهيا في وسط الكلام كدا قالت (حبيبي) ..... ياااااه ياما يااااه , حسيت اني قلبي فط ونط من مكانه , ورحت قولتلها انتي قولتي ايه علشان مش سمعت كويس , راحت قالتلي انا قولت الله يخليك والحمد لله كويسه (علي ما اتذكر لاني ماكنتش مركز غصر في الكلمة اللي اتقالت) وبعدين لا قولتلها اني قولتي حاجه تانيه راحت ضحكت وسكتت , المهم بقي قولتلها انا سمعت والكملة اتسجلت خلاص واللي حصل حصل مع اني شكيت انها تكون لسه عيانه وسخنه فمتقول كلام كدا من غير ماتاخد بالها (بس الحمد لله انا متاكد انها كانت مركزة شوية) بس عقبال بقي ما اطمنت عليها وقفلت وانا كنت بكلمها وانا في الشارع , قفلت من هنا وقعدت اعمل بايدي زي الجناحات وحسيت اني برفرف وكدا يعني , وقعدت اغني الاغنية بتاعت عبد الحليم حافظ اللي هيا ( يا اصحابي يا اهلي ياجيراني انا عايز اخدكوا في احضاني ) كانت فيه واحده معدية وبصتلي .... روحت عملتي نفسي مش ماخد بالي وسكت خالص وكملت طريقي عادي جدا
وبعد كدا كلمتها تاني واتفقنا ان احنا نسيب الموضوع شوية لحد فترة معينة كدا نظرا لعدة مواضيع مش لازم تعرفوها يعني , بس المهم انا حاسس انها كدا يعني وانا طبعاً زي ما انتوا عارفين بقيت كدا يعني اوي .... بس اهو طول ماهيا معايا مش مشكلة وطول ما انا بكلمها وكدا فانا مستعد استني واستني 

والحمد لله

الف مليون سلامه للدكتور عبد المنعم ابو الفتوح